سياسة الخصوصية
آخر تحديث: 12 نوفمبر 2026
إيه اللي بنحفظه عنك
ولا حاجة على السيرفر. الموقع من غير حسابات: مفيش اسم ولا إيميل ولا كلمة سر بنطلبها منك.
تقدمك فين
- تقدمك في الدروس والتمارين ونقاطك محفوظين في متصفحك انت بس.
- الطلبات والرسايل اللي بتبعتها بتروح لسيرفر FHIR تعليمي شغّال جوه متصفحك، ومش بتتبعت لأي سيرفر حقيقي ولا لنفيس.
- اللغة والشكل اللي اخترته محفوظين في متصفحك برضه.
- ملف التقدم اللي بتنزّله بيفضل معاك، واحنا مش بنشوفه.
الكوكيز والتتبع
مش بنستخدم كوكيز، ومفيش إعلانات ولا أدوات تتبع أو إحصائيات.
مين بيشوف إيه
صفحات الكورس بتحمّل محرك FHIRPath (fhirpath.js) من cdn.jsdelivr.net والخطوط من Google Fonts، ودول بيشوفوا عنوان الـ IP بتاعك زي أي موقع. وسيرفرنا بيسجّل الطلبات في سجلات تقنية عشان يحمي الموقع من الأعطال والهجمات، وبتتمسح بشكل دوري.
تمسح بياناتك إزاي
امسح بيانات الموقع من إعدادات المتصفح، وكده كل تقدمك هيتمسح.
الدعم المالي
لو اخترت تدعمني، الدفع بيتم مباشرة على Ko-fi أو فودافون كاش، وبيخضع لسياسة الخصوصية بتاعتهم. أنا ما بستلمش بيانات بطاقتك، ومفيش أي حاجة عن الدفع بتتحفظ على الموقع.
تواصل معانا
لو عندك أي سؤال، كلّمنا على واتساب من صفحة المؤسس اللي تحت.